خــ( القلب الطيب )ــاص

بسم الله توكلت على الله ولا حول ولا قوة إلا بالله العلي القدير
اللهم لك الحمد كما ينبغي لجلال وجهك وعظيم سلطانك

الكود:: بسم الله ماشاء الله

[ندعوك للتسجيل في المنتدى أو التعريف بنفسك لمعاينة هذا الرابط]

حياتي والايام

خسرت ايه وليه وبكام ؟
انجرحت كام مره وكسرتني الايام ؟
يمكن يكون القلب رافض يعيش الامان
قلب فقد الامان وحس بلهفته للحظة حنان
ذكريات جميلة بتهون وتتهان
احلام ورديه عماله تتخان

حتى الحب الحقيقي بقي جواية نار قايده زى البركان
العيب اكيد عيبي مش عيب زمان ولا مكان
الحلم عشته وكان مش من حقي
والحمل شيلته والضريبه كانت قلبي
معانى كتير بتجرح وتوجع
خيانة آمانه وكلام للمشاعر نازل يوجع

قلوب عشتها على انها قلوبي
مشاعرها لبستها كأنها مني وتوبي
ولحظه زى كل لحظه حسيت اني اتعزلت عن قدري ومكتوبي

حياتي والايام
ياترى هقدر دلوقتى اخطي لقدام
ولا خلاص مات زمن الاحلام
وبقيت عايش حياه حزينه لوهم الاوهام
،

تاهت جواية المشاعر النبيلة
وتاهت ذكرى حستها لحظه مش اصيلة
دمعة حزن ودمعة فرح جميلة !
ودمعه وحيدة سهرانه فى غربه طويله
حاسس بمعانى جوايه من كتاب مالوش نهاية
كتاب فى بدايته حياه والله اعلم لفين هتوصل صفحة النهاية
هقدر ارسم ذكرى ؟ هقدر ارسم امل لبكرة ؟
ولا هستسلم لدنيا قادره

خلاص همشي وهرحل عن قلوب حبيتهم
همشي وهبعد عن مشاعر عشتهم وحسيتهم
هسيب عيون لسه شايف لمعة ضحكتهم

ياااااااااااااه قد ايه صعبه الحياه
وقد ايه ممكن تتوه ويتمحي الطريق والاتجاه

اسلم امرى لحياه ؟
ترميني لطريق وللمكان والإتجاه

لا ياقلبي سلم طريقك لله
سلم طريقك لرب الحياه
اوعى تمشي طريق مجهول الملامح والإتجاه
فى ايدك تكسر دمعتك وتعدي محنتك ونستمر جواك الحياه

اوعى تعيش قلب مكسور بينزف مشاعره وذكرياته فى طريق مهجور
حتى لو داست عليك قلوب وضروب وغرقتك بحور
اوعى تعيش قلب ضعيف مكسور
حاول تعيش لحظه جميلة تاخدك للنور
افتكر قصه امير واميرة وحصان ابيض وقصور
افتكر كلمة معزه وموده وحب عايش جواك فى النور

،
سيبها لله واوعى تكون قلب ناقم على الحياه
امشي وجرب ؟ يمين وشمال وكل اتجاه
لأن هو ده سر الحياه

نمشي ونقع ونتعلم ونتخدع

،

القلب الطيب
20/2/2011

محمد فؤاد بشبه عليك

بشبه عليك
ملامحك من ملامحي
و لونك لونه قمحي
و عيونك فرحنين

بشبه عليك
قولي و فكرني امتى
أنا شفتك بس امتى
من يوم ولا سنين

يمكن زمايل مدرسه أو دفعتي في الجيش
خبطت كتافنا يوم في بعض و احنا في طابور العيش
و لا أكلنا سوا أكلة سمك في أبو قير

جايز صليت جنبك في يوم الجمعه في الحسين
ولا في يوم شيلنا العلم في الأستاد من سنين
و لا لمحتك يوم هنا تصرخ تقول تغيير

بشبه عليك
ملامحك من ملامحي
و لونك لونه قمحي
و عيونك فراحنين

بشبه عليك
قولي و فكرني امتى
أنا شفتك بس امتى
من يوم ولا سنين

يمكن في ليلة وقفتلي و أنا عطلان على الطريق
سألت عني في يوم و أنا مخنوق حاسس بضيق
سايبني ليه محتار كده ما تقوللي تطلع مين

هو انت أحمد ولا جرجس ولا صوت ملايين
ولا واحد صدره ضاق من الظلم والظالمين
و لا أنت باعتك ربنا تاخد بإيد ملايين

بشبه عليك
يا اللي ضحيت بروحك يا واحد مننا
وسايب أهلك وناسك علشانا كلنا
يا شهيد انت مكانك في الجنه مش هنا

كان نفسي بس أقولك انتا مرحتش هدر
دلوقتي صوتنا عالي و خلاص خوفنا انكسر
بقا في قلوبنا رحمه وليلنا بقا فيه قمر